Ўзбекистонда 2026 йил 11 май — душанба куни бошланғич синф ўқувчилари учун дарс машғулотлари ўтказилмайди. Бу тартиб 9 май — Хотира ва қадрлаш куни муносабати билан дам олиш кунининг кўчирилиши билан боғлиқ.
Амалдаги тартибга кўра, беш кунлик иш ҳафтасида фаолият юритувчи ташкилотлар учун 9 май байрами шанба кунига тўғри келгани сабабли, дам олиш куни 11 май — душанбага кўчирилган.
Шунга мувофиқ, умумтаълим мактабларида 11 май куни дарс жараёнлари давом эттирилади. Бироқ мазкур тартиб бошланғич синф ўқувчиларига татбиқ этилмайди ва улар учун бу кун дам олиш куни ҳисобланади.
Шунингдек, давлат мактабгача таълим ташкилотлари — боғчаларда ҳам 11 май куни расман дам олиш куни этиб белгиланган.
Нодавлат таълим муассасаларида эса иш ва дам олиш кунлари муассасанинг ички тартиб-қоидалари асосида белгиланиши маълум қилинди.
