- Advertisement -
Миллий ижтимоий ҳимоя агентлиги Ёшлар ишлари агентлиги билан ҳамкорликда «Fikringni ber (Voice Up)» инклюзив лагерини ташкил этди ҳамда ёшлар ташаббуси асосида ўндан ортиқ лойиҳа амалга оширилди.
Эндиликда мазкур лойиҳани ҳар бир ҳудудда 1 000 нафар ёшни қамраб олган ҳолда ўтказиш топширилди. Шунингдек, Самарқанд шаҳрида энг яхши ташаббуслар муаллифлари иштирокида Халқаро инклюзив ёшлар лагери ташкил этиш режалаштирилмоқда.
«O‘sish va rivojlanish (Upshift)» стартап лойиҳаси ҳам кенгайтирилади. Жорий йилда танлов медиа, дизайн, ҳунармандчилик, ишлаб чиқариш ва инновациялар йўналишларида ҳам ўтказилади.
Энг яхши 40 та ёшлар стартапини молиялаштириш учун 2 миллиард сўм ажратилиши белгиланди.
