Ўзбекистон Миллий олимпия қўмитаси раиси биринчи ўринбосари Отабек Умаров Халқаро автомобил федерацияси — Fédération Internationale de l’Automobile (FIA) Сенати таркибига кирди.
Мазкур тайинлов натижасида у ташкилотнинг олий бошқарув органи фаолиятида иштирок этади. FIA Сенати федерация фаолиятининг стратегик йўналишларини белгилашда ҳамда муҳим қарорларни шакллантиришда иштирок этувчи тузилма ҳисобланади.
Ўзбекистон вакилининг ушбу нуфузли орган таркибига кириши мамлакатда автомобил спорти ва мобиллик соҳасини янада ривожлантириш, халқаро ҳамкорликни кенгайтириш ҳамда миллий спорт инфратузилмасини такомиллаштиришга хизмат қилиши кутилмоқда.
Маълумот учун, FIA Сенати федерация Бош ассамблеясига стратегик тавсиялар киритади ҳамда ташкилот тараққиётида муҳим бўғин вазифасини бажаради.
