Ўзбекистон миллий терма жамоаси ва Англиянинг «Манчестер Сити» клуби ҳимоячиси Абдуқодир Ҳусанов 2025/2026 йилги Чемпионлар лигаси жорий мавсумидаги энг тезкор марказий ҳимоячилар рейтингида биринчи ўринни эгаллади.
Рейтинг CIES Football Observatory тадқиқот маркази томонидан тайёрланган бўлиб, турнирда иштирокини давом эттираётган футболчиларнинг тезлик кўрсаткичлари таҳлил қилинган.
Мониторинг маълумотларига кўра, Абдуқодир Ҳусанов соатига 35,80 км тезликкача югурган ва бу натижа турнирдаги марказий ҳимоячилар орасида энг юқори кўрсаткич сифатида қайд этилган.
Иккинчи ўринни «Тоттенхэм» футболчиси Микки ван де Вен 35,11 км/соат натижа билан эгаллаган. Учинчи поғонадан эса Мадриднинг «Реал» клуби ҳимоячиси Эдер Милитао 34,61 км/соат кўрсаткич билан жой олган.
