Ўзбекистон Иқтисодиёт ва молия вазирлиги Давлат бюджети даромадлари ва харажатларининг 2024 йил 1-ярим йиллик ижроси тўғрисида маълумот берди.
Давлат бюджетининг ярим йиллик даромадлари 2023 йилнинг мос даврига нисбатан 18,3 фоизга ошиб, 121,0 трлн сўмни ташкил этди. Шунингдек, даромадларнинг 80,6 фоизини солиқлар, 19,4 фоизини эса солиқсиз тушумлар ва бошқа даромадлар ташкил қилди.
Давлат бюджети жами харажатлари 149,8 трлн сўмни, шундан ижтимоий соҳаларга йўналтирилган харажатлар 74,1 трлн сўмни ташкил этди.
Вазирлик, шунингдек, 1-ярим йилликда Давлат бюджетидан ажратилган субсидияларни маълум қилди.
Ҳисобот даврида ажратилган субсидиялар миқдори 15 351 млрд сўмни ташкил этди. Шундан 2 947 млрд сўми ижтимоий аҳамиятга эга субсидиялар учун ажратилди.
Батафсил қуйидаги инфографикада:
