Шу кунларда Самарқандда ўтказилаётган “Ўзбекистон маданий мероси – янги Ренессанс асоси” конгресси доирасидаги “Кино ва медиа олами: Меъросга янгича нигоҳ” халқаро конференцияси якунланди.
Тадбир давомида Турксой мамлакатлари киновакиллари иштирокида йиғилиш бўлиб ўтди. Унда Кинематография агентлиги ва Туркия киноижодкорлари билан хамкорликда суратга олинган “Зиёрат — олтин йўл” ҳужжатли фильми тизери намойиш қилинди.
Бундан ташқари, Тимур Бекмамбетов режиссёрлигидаги “Хўжа Насриддин” мултфильмининг ҳам тизери тақдим қилинди.
Шунингдек, қозоғистонлик кинорежиссёр ва продюсер Тимур Бекмамбетов Ўзбекистон маданий меросини ўрганиш, сақлаш ва оммалаштириш бўйича Бутунжаҳон жамияти бошқаруви раиси Фирдавс Абдухолиқов ўртасида анимация мактабини иккинчи босқичини бошлаш учун меморандум имзоланди.
