- Advertisement -
Бош прокуратура ҳузуридаги Департаментнинг Мирзо Улуғбек тумани бўлими томонидан ДХХ ходимлари билан ҳамкорликда ўтказилган тезкор тадбирда, “Ҳудудгаз Пойтахт” газ таъминоти филиали лойиҳа бўлими лойиҳачиси С.Т. тадбиркор А.И.нинг Учтепа туманидаги бекат мажмуасини газ тармоғига улаш бўйича лойиҳа ҳужжатларини расмийлаштириб бериш эвазига 5 млн сўмни олган вақтида ашёвий далиллар билан ушланган.
Мазкур ҳолат юзасидан Жиноят кодексининг 214-моддаси (давлат органи, давлат иштирокидаги ташкилот ёки фуқароларнинг ўзини ўзи бошқариш органи хизматчисининг қонунга хилоф равишда моддий қимматликлар олиши ёки мулкий манфаатдор бўлиши) билан жиноят иши қўзғатилиб, тергов ҳаракатлари ўтказилмоқда.
