Самарқандда Туркий давлатлар ташкилоти Давлат раҳбарлари кенгашининг йиғилиши бошланди. Тадбирни Ўзбекистон Республикаси президенти очиб берди.
Президент нутқи давомида бир ТДТ саммити доирасида бир қанча муҳим ва устувор вазифалар белгиланганини айтиб ўтди:
«Бу йил Тошкентда ўтказилган Биринчи Туркий агрофорум ОЗИҚ-ОВҚАТ ХАВФСИЗЛИГИНИ ТАЪМИНЛАШ СОҲАСИДА ниҳоятда катта салоҳиятимиз борлигини яққол кўрсатди.
Ташкилотимизнинг нафақат ўз мамлакатларимизни, балки ташқи бозорларни ҳам қишлоқ хўжалиги ва озиқ-овқат маҳсулотлари билан таъминлаш имконияти бор.
Туркий давлатлар ташкилоти фаолиятини янги сифат босқичига кўтариш, унинг нуфузини янада ошириш, ҳамкорлигимиз салоҳиятини тўлиқ ишлатиш, қабул қилинаётган қарорларимиз ва келишувларимиз ижросини таъминлаш энг долзарб вазифамиздир.
Ташкилотимиз келгусида мутлақо янги, самарали тизим асосида
ишлаши учун умумий саъй-ҳаракатларимизни бирлаштиришимиз зарур, деб ўйлайман
ШУНИНГДЕК, Ташкилотимиз доирасида 2023 йилни ТУРКИЙ ЦИВИЛИЗАЦИЯНИНГ ЮКСАЛИШ ЙИЛИ, деб эълон қилиш таклифимизни қўллаб-қувватлаганингиз учун ташаккур билдираман.»- Шавкат Мирзиёев
Самарқанд шаҳри
Муҳбир Гўзал Шокиржонова
