Сиз уйғоқ ўтказган ҳар бир дақиқада фикрингиз тажрибадан тажрибага ўтади. Фикрлар ва ҳис-туйғуларнинг бу кўтарилиши ва оқими кўпинча «онг оқими» деб аталади ва тарих давомида у фақат одамларда мавжуд деб ишонилган. Бироқ, ўнлаб йиллар давомида онгни тадқиқ қилиш туфайли, биз энди биламизки, онг ҳайвонот оламида биз тасаввур қилганимиздан анча кенг тарқалган.
Шу ўринда савол туғилади: онг нима учун ва қачон пайдо бўлган?
Тел-Авив университетидаги Эва Жаблонка ва Исроилнинг Очиқ университетидан Симона Гинсбургнинг жозибали янги назарияси жавобларга эга бўлиши мумкин. Уларнинг назарияси «чексиз ассотсиатив ўрганиш» деб аталадиган жараёнга боғлиқ ва бу қобилиятнинг эволюцияси бизнинг энг қадимги аждодларимиз нафақат омон қолган, балки гуллаб-яшнаганида ҳал қилувчи омил бўлган бўлиши мумкин хисоблайди.
