Президент Шавкат Мирзиёевнинг Сеулга ташрифи ва «Марказий Осиё – Корея Республикаси» биринчи саммити доирасида олий даражадаги учрашувлар ҳамда дўстона суҳбатлар бўлиб ўтди.
Ташриф давомида давлат раҳбари Марказий Осиё мамлакатлари етакчилари ҳамда Жанубий Кореянинг Ўзбекистондаги собиқ элчиси Ли Ук Хён билан мулоқот қилди. Шунингдек, Президент Миллий Ассамблея Спикери учун корейс тилига таржима қилинган «Мирзиёев доктринаси» китобига дастхат ёзиб берди. Корея томони давлат ташрифига юксак эҳтиром кўрсатиб, «Lotte World Tower» ва Сеул телеминорасида Ўзбекистон байроғи тасвирларини намойиш этди, шунингдек, давлат рамзлари акс эттирилган дирижабль ва фаввора шоулари ташкил этилди. Ташриф якунлари мамлакатлар ўртасидаги ўзаро ишонч ва стратегик шерикликни янада мустаҳкамлашга хизмат қилади.
