- Advertisement -
Тошкент шаҳри Global Cities Index 2026 рейтингида 128 поғонага юқорилаб, дунёнинг энг йирик 1000 та шаҳри орасида 343-ўринни эгаллади. Иқтисодий кўрсаткичлар бўйича пойтахт сезиларли ўсиш қайд этиб, бир йил ичида 558-ўриндан 188-ўринга кўтарилди.
Аҳолининг билими ва касбий салоҳияти ошиши натижасида Тошкент инсон капитали тоифасида дунё бўйича 108-ўринни эгаллади. Бостон Консалтинг Гуруҳ (Boston Consulting Group) тадқиқотларига кўра, пойтахтимиз ўзгаришлар суръати бўйича Шэньчжэнь ва Ар-Риёддан сўнг дунёда 3-ўринни, иқтисодий фаоллик суръати бўйича эса 1-ўринни эгаллади. Халқаро таҳлилчилар Тошкентни ривожланиши алоҳида кузатиб борилиши лозим бўлган «Cities to Watch» шаҳарлари рўйхатига киритдилар.
