Преференциялар: 20 млрд сўмгача миқдордаги кредитлар бўйича
— кредит фоиз Марказий банкнинг асосий ставкасидан (14%) ошадиган, лекин 8% пунктидан кўп бўлмаган қисмига компенсация;
— кредит суммасининг 50% миқдорида кафиллик.
Преференциялардан фойдаланувчилар: Кооперация усулида гўшт ва сут маҳсулотларини етиштириш ва қайта ишлашни йўлга қўйган хўжалик юритувчи субъектларига
- чорва комплексларини қуриш;
- йирик ва майда шохли наслдор чорва молларини харид қилиш;
- чорва маҳсулотларини етиштириш ва қайта ишлаш бўйича лойиҳаларни амалга ошириш учун.
Преференция манбаи – Тадбиркорлик фаолиятини қўллаб-қувватлаш давлат жамғармаси.
Ундан ташқари чорвачилик хўжаликларига бериладиган субсидия миқдори оширилди.
Субсидиядан фойдаланувчи: ҚҚС тўловчиси бўлган чорвачилик хўжаликлари, хусусан, ўз хўжаликларида ва аҳоли хонадонлари билан биргаликда кооперация усулида фаолият юритувчилар.
Субсидиянинг янги миқдори:
- гўшт учун реализация қилинган йирик ва майда шохли қорамоллар тирик вазнининг ҳар бир килограмми учун 4000 сўм (аввалгиси 2 000 сўм);
- сутнинг ҳар бир литри учун 400 сўм (аввалгиси 200 сўм).
Субсидия янги миқдорнинг амал қилиш муддати: 2022 йил 1 январдан бошлаб 2023 йил 31 декабрга қадар.
Бунда, субсидия қўшилган қиймат солиғидан вақтинчалик озод қилиш бўйича имтиёз амалда бўлган давр учун ҳам тўланади.
Субсидия олиш учун my.vetgov.uz сайти орқали ариза топширилади.
Масъул идора: Ўзбекистон Республикаси Ветеринария ва чорвачиликни ривожлантириш давлат қўмитаси ҳузуридаги “Ўзбекчорванасл” агентлиги.
