Фарғона вилояти божхона бошқармаси Контрабандага қарши курашиш бўлими ходимлари томонидан олдиндан олинган тезкор маълумот асосида ўтказилган тадбир давомида, “Водил-Фарғона-Қува” йўналишида ҳаракатланаётган фуқаро А.У. бошқарувидаги “Кобалт” русумли автотранспорт воситаси кузатувга олиниб, Қува тумани ҳудудида тўхтаб турган вақтида, белгиланган тартибда холислар иштирокида кўздан кечирилди. Натижада, автомашина салони ва юкхонасида, хорижда ишлаб чиқарилган, божхона расмийлаштирувидан ўтганлигини тасдиқловчи ҳужжатлари бўлмаган умумий қиймати 42 миллион сўмлик 2 турдаги жами 35 дона телевизорлар борлиги аниқланди.
Мазкур ҳолат юзасидан божхона органлари томонидан терговга қадар текширув ҳаракатлари олиб борилмоқда.