30 январь куни Қозоғистон Республикаси ҳукумати йиғилишида сув хўжалиги ва ирригация вазири Нуржан Нуржигитов Қозоғистоннинг Хитой ва Ўзбекистон билан трансчегаравий дарёлардан биргаликда фойдаланиш тўғрисидаги битимни имзолаш режалари ҳақида гапирди.
2030 йилгача трансчегаравий ҳамкорликни ривожлантириш сув муносабатлари соҳасидаги давлат сиёсатининг асосий жиҳатларидан бирига айланиши керак, деб ҳисоблайди вазир.
Трансчегаравий ҳамкорликни янада ривожлантириш қўшни давлатлар билан трансчегаравий сув оқимларидан биргаликда фойдаланиш ва уларни муҳофаза қилиш бўйича янги икки томонлама ва кўп томонлама шартномавий базани яратиш ва амалда такомиллаштиришни тақозо этади.
“Давлатлараро сув муносабатларини ривожлантириш учун 2024-2030 йилларга мўлжалланган сув ресурсларини бошқариш тизимини ривожлантириш концепциясида Қозоғистон ва Ўзбекистон ҳукуматлари ўртасида трансчегаравий сув объектларини биргаликда бошқариш ва улардан фойдаланиш тўғрисида битимлар имзоланиши кўзда тутилган. Қозоғистон ва ХХР трансчегаравий дарёларда сув ажратиш бўйича”, — деди Нуржан Нуржигитов