Бу йил ОТМларга кириш учун бўлиб ўтадиган тест синовлари 72 та бинода ўтказилади. Бу ҳақда Билим ва малакаларни баҳолаш агентлиги хабар қилди.
Бунда:
— бир сменада 1 минг 274 та гуруҳда 38 минг 220 нафар;
— бир кунда (икки сменада) 2 минг 548 та гуруҳда 76 минг 440 нафар абитуриент тест синовида иштирок этади.
Қайд этилишича, бугун, 29 июль куни соат 09:30 дан 12:00 га қадар ёки 14:00 дан 15:30 га қадар барча абитуриентлар ўзлари тест синовида иштирок этадиган бинога келиб, тест синови ўтказиладиган жойлар билан танишиб кетишлари мумкин.
Эслатиб ўтамиз, тест синовлари барча ҳудудларда 1 август куни бошланиб, ҳудудлардаги абитуриентлар сони ва бинолар сиғимидан келиб чиққан ҳолда 11 кундан 13 кунгача давом этади.
Паспорт нусхаси ёки бошқа ҳужжатлар билан келган, шунингдек, кечикиб келган абитуриентлар тест синовларига киритилмайди.
