Мутахассислиги бўйича камида 5 йил меҳнат стажи мавжуд, бироқ олий маълумотга эга бўлмаган хотин-қизлардан тавсиянома олиш учун аризалар қабул қилиш жорий йилнинг 1 июнига қадар давом этади.
Бу ҳақда АОКАда ўтказилган брифингда Оила ва хотин-қизлар қўмитаси бошқарма бошлиғи Ўғилой Ўрозова иштирокида маълум қилди:
Тавсиянома олиш учун талабгорлар:
— ўрта махсус ёки профессионал таълим бўйича мутахассисликка эга бўлиши;
— тавсиянома олгунга қадар олий таълим олмаганлиги ёки олмаётганлиги;
— ўрта махсус ёки профессионал таълим мутахассислиги бўйича камида беш йиллик меҳнат стажига эга бўлиши керак.
— 1-7 июнь кунлари туман (шаҳар) Ишчи гуруҳлари томонидан талабгорлар томонидан тақдим этилган ариза ва ҳужжатлар ўрнатилган тартибда кўриб чиқилади ва тавсиянома бериш ёки тавсиянома беришни рад этиш тўғрисида хулоса қабул қилинади.
