Пойтахтимизда бўлиб ўтаётган стомотологларнинг навбатдаги анжумани қизғин баҳс, мунозара ва таклифларга бой бўлмоқда. Тезкор вақт ҳам стомотологлар олдига янги вазифаларни қўймоқда. Конгресс иштирокчиларига ташхислаш ва даволашнинг энг янги усуллари, илмий ва таълим йўналишларидаги тенденциялар билан танишиш имконини беради. Конгресс ишида Европа итттифоқи, Туркия, Корея, Ҳиндистон ва МДҲ давлатларининг 100 дан ортиқ энг кўзга кўринган мутхассислари иштирок этмоқдалар.
Тадбир давомида маҳаллий ва хорижий мутахассислар иштирокида бўлажак стомологлар учун 20 га яқин маҳорат дарслари ташкил қилинди. Германиянинг “Меga Denta” компанияси томонидан “Терпевтик стомотология” йўналишида “Мега мастер” халқаро талабалар олимпиадаси, ”Болалар стомотологияси “ йўналишида АҚШнинг “ CоIgate-Palmolive” компанияси билан ҳамкорликда талабалар халқаро олимпиадаси ўтказилмоқда. Ҳакамлар ҳайъати аъзолари Олмаота, Истанбул , Москва, Хабаровск, Волгоград шаҳарларидан таклиф этилган.
“ Мамлакатимизда нисбатан ёш, Тошкент Давлат стомотология институти олимларининг янги имкониятларини ошишига, талабларнинг амалий ва илмий тажрибасини юксалтиришга, ушбу анжуманнинг аҳамияти ниҳоятда катта дейди,-институт матбуот котиби Шоҳинур Мирзаев. Айни пайтда 5700 дан зиёд талабаларга 6 таълим йўнилишида, 3 қўшма лойиҳа дастурлари орқали таълим берилмоқда. Бугунги конгрессда тилга олинган долзарб масалаларнинг илмий ва амалий ечими уларнинг келгусида профессионал билимларини мустаҳамлашда муҳим роль ўйнайди”. Анжуман ўз ишини давом эттирмоқда.
Ўлжабой Қаршиев
