Хитой ҳарбий машғулотларнинг иккинчи кунида Тайван ва унинг атрофидаги сувлардаги асосий нишонларга аниқ зарбалар беришни симуляция қилди.
Пекин ўз-ўзини бошқарувчи оролга нисбатан “қаттиқ огоҳлантириш” деб атаган машғулотлар Тайван президентининг ўтган ҳафта AҚШга ташрифига жавобдир.Хитой армияси оролни қамал қилишни тақлид қилар экан, AҚШ Хитойни вазминлик кўрсатишга чақирди.
Тайваннинг айтишича, якшанба куни 70 га яқин Хитой самолёти орол атрофида учган.11 та Хитой кемаси ҳам кузатилган.Шанба куни Тайван 45 та ҳарбий самолёт Тайван бўғози ўрта чизиғини – Тайван ва Хитой ҳудуди ўртасидаги норасмий ажратувчи чизиқни кесиб ўтганини ёки Тайваннинг ҳаво мудофаасини аниқлаш зонасининг жануби-ғарбий қисмига учиб ўтганини айтди.
Пекин томонидан «Биргаликда қилич» деб номланган операция душанба кунигача давом этади. Тайван расмийлари операциядан ғазабланган.Шанба куни Тайпейдаги мудофаа расмийлари Пекинни президент Цайнинг AҚШ ташрифидан “минтақадаги тинчлик, барқарорлик ва хавфсизликка жиддий путур етказган ҳарбий машғулотлар ўтказиш учун баҳона” сифатида фойдаланганликда айблади.
Машғулотларнинг биринчи кунида Хитой кемаларидан бири Хитойнинг Тайванга энг яқин нуқтаси бўлган Пингтан ороли яқинида сузиб кетаётганда ўқ узди.Тайваннинг Соҳил Хавфсизлик хизматини бошқарадиган Океан ишлари бўйича кенгаши унинг кемаларидан бири Хитой ҳарбий кемасига соя солаётгани акс этган видеолавҳаларни эълон қилди, аммо жойни кўрсатмаган.
