Россия президенти Владимир Путин ва Шимолий Корея етакчиси Ким Чен Ин Амур вилоятидаги “Восточний” космодромида учрашди.
Шимолий Корея етакчисининг поезди монтаж ва синов биноси яқинидаги релсларда тўхтади. Унинг вагонига қизил гиламли йўлак олиб келинди, унинг икки томонида икки давлат байроқлари билан Шарқий ҳарбий округнинг фахрий қоровуллари турарди. Ким Чен Инни Россия Федерацияси ва КХДР ҳукуматлараро комиссияси раҳбари, табиий ресурслар ва атроф-муҳитни муҳофаза қилиш вазири Александр Козлов ва Россия ТИВ давлат протоколи департаменти директори Игор Богдашев кутиб олди. Поезддан Ким Чен Ин ва уни кутиб олганлар фахрий қоровул олдидан ўтиб, ўзининг лимузинига ўтирди, шундан сўнг КХДР етакчиси бошчилигидаги делегация россиялик ҳамкасблари билан учрашувга йўл олди.
Россия давлати раҳбари бу ерга бир кун аввал Шарқий иқтисодий форумда иштирок этиб, Приморедан учиб келди. Учрашувда Путин ва Ким Чен Ин қисқача гаплашди. КХДР раҳбари Путинга “банд бўлишига қарамай” Россияга ташриф буюриш таклифи учун миннатдорчилик билдирди.
Кейин Путин ва Ким Чен Ин делегациялар иштирокида ва, эҳтимол, юзма-юз музокаралар олиб боради. Президент матбуот котиби Дмитрий Песков аввалроқ айтганидек, икки томонлама ҳамкорлик масалалари, жумладан, савдо-иқтисодий алоқалар ва маданий алмашувлар муҳокама қилинади, шунингдек, минтақадаги вазият ва умуман халқаро муносабатлар юзасидан кенг фикр алмашилади.
