Qorabog‘dagi urush, o‘ninchi kun: Chovusho‘g‘li Ozarboyjonga dalda berish uchun Bokuga keldi.

Seshanba kuni, Qorabog‘dagi harbiy harakatlarning o‘ninchi kunida Bokuga Ozarboyjonni bu urushda ochiqchasiga qo‘llab-quvvatlayotgan Turkiya TIV rahbari tashrif buyurdi. Mavlud Chovusho‘g‘li yana bir bor xalqaro hamjamiyatning tinchlik chaqirig‘ini rad etdi va Turkiya Ozarboyjon bilan birgaligini ta’kidladi. Bu vaqtda Qorabog‘dagi shaharlar va qishloqlar o‘qqa tutilishi davom etdi.