ФИДE март ойи учун янгиланган рейтингини эълон қилди. Мазкур рейтингида 🇺🇿Нодирбек Абдусатторов 2750 очко билан 11-ўринда қайд этилди.
Нодирбек ТОП-10 га кирган бўлар эди, лекин ФИДE қоидаларига кўра, жорий бўлиб ўтаётган ва ҳали якунланмаган турнирлардаги натижалар ҳар ойлик расмий рейтингга қўшилмайди. Шу сабабли Нодирбекнинг «Prague Masters» турниридаги натижалари март ойи учун рейтингга киритилмади.
Шундай бўлсада, Нодирбек илк марта Ёшлар (Жуниорс) орасида расмий дунё рейтингида пешқадамга айланди.
Шунингдек, у бугун «Prague Masters» турнирининг 3-турида ғалаба қозониб, онлайн рейтингда 2757 очко билан дунё бўйича ❗️8-ўринга кўтарилиб олди.
Эслатма: онлайн рейтинг расмий мақомга эга эмас. Расмий рейтинг ФИДE томонидан ҳар ой якунида эълон қилинади.
ФИДE расмий рейтингида ҳамюртларимиздан Жавоҳир Синдоров 36-ўрин (2701), Рустам Қосимжонов 48-ўрин (2687) ҳамда Нодирбек Якуббоев 75-ўрин (2661) билан ТОП-100 таликдан жой олди.
