19 C
Узбекистан
Четверг, 19 сентября, 2024

Пандемия чекинмоқда: Дунёда касалланиш кўрсаткичлари 30 фоизга пасайди

Топ статей за 7 дней

Подпишитесь на нас

51,905участниковМне нравится
22,962участниковЧитать
6,810участниковПодписаться
- Advertisement -

Ўтган ҳафтада дунё бўйича 13,7 миллионга яқин кишида коронавирус инфекцияси аниқланди. Бу, 7 — 13 февраль саналари оралиғида қайд этилган касалланиш ҳолатларига нисбатан 30 фоиз кам кўрсаткичдир.

Сўнгги етти кунда COVID-19 ташхиси қўйилган энг кўп бемор Россияда рўйхатга олинган — 1,2 миллион нафар. Шунга қарамай, мутахассислар бу ерда аввалги ҳафтага нисбатан бироз пасайиш кузатилганини таъкидлашмоқда.

Иккинчи ўринни 1,1 миллионга яқин кўрсаткич билан Германия банд этди. Бу давлатда ҳам касалланишлар сони 10 фоиз камайган.

Бразилия эса учинчи ўринда — мамлакатда 770 мингдан одам коронавирусни юқтирган. Пасайиш миқдори аввалги ҳафтага қиёслаганда деярли 50 минг кишини ташкил этган.

Тўртинчи ўринни 630 мингга яқин ҳолат билан АҚШ эгаллади. Мамлакатда ҳозир кунига ўрта ҳисобда 115 мингга яқин беморда инфекция аниқланмоқда.

Осиёда энг кўп касалланиш кўрсаткичлари Япония ҳиссасига тўғри келяпти. Ушбу давлатда кунига 90-100 минг атрофида янги ҳолатлар рўйхатга олинмоқда.

Ҳиндистонда эса аксинча, касалланишлар сони бир ҳафта ичида икки баравар камайди. Айни пайтда бу ерда кунига 30 мингга яқин беморда COVID-19 инфекцияcи аниқланяпти.

Европада кунлик ҳолатлар Нидерландия ва Италияда 50 мингдан ошади, Буюк Британияда 40 мингга яқин. Аммо бу ўтган йилнинг ноябрь ойидан бери қайд этилган энг паст кўрсаткичдир.

Бельгия ва Польшада касалланишлар ҳафта давомида икки, Испания, Чехия ва Руминияда бир ярим баравар, Португалия ва Украинада эса учдан бирига камайди.

Лотин Америкасида пасайиш динамикаси минтақанинг деярли барча мамлакатларига тааллуқли. Масалан, ўтган ҳафта давомида Мексикада кунига ўртача 20 минг, Аргентинада эса қарийб 12 минг бемор коронавирусга чалинган.

Дунёда COVID-19дан ўлим кўрсаткичлари ҳам аввалги ҳафтага нисбатан 15 мингтага камайиб, ҳаётдан кўз юмганлар сони 61 минг нафарни ташкил этди. Шундан катта қисми АҚШда қайд этилди —12 минг нафар.

Иккинчи ўринда — Бразилия. Мамлакатда ҳафта давомида 5,3 мингдан зиёд бемор хасталикдан вафот этди. Россияда эса бу кўрсаткич 5,25 минг нафарни ташкил этди.

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь

Последние новости

Тошкентдаги хонадонлардан бирида ёнғин чиқди

Тошкент шаҳар Учтепа туманида хонадонлардан бирида ёнғин содир бўлди. ФВБ ҳолат юзасидан маълумот берди. Билдирилишича, кеча, 18 сентябрь куни соат 15:09 да Тошкент шаҳри Учтепа тумани Тақачи кўчасида жойлашган шахсий хонадонда ёнғин содир бўлаётгани тўғрисида пойтахт ФВБга хабар келиб тушган. Ёнғин қутқарув экипажлари айтилган манзилга соат 15:14 да етиб борган, соат 15:42 да ёнғин қуршаб олиниб, соат 15:50 да ўчирилган. “Ёнғин оқибатида тан жароҳати олган ва вафот этган фуқаролар йўқ. Айни вақтда ҳодиса сабаби ва моддий зарар миқдори аниқланмоқда”, дейилади хабарда. Эслатиб ўтамиз, 18 сентябрь куни тонгги соат 07:28 да Олмазор тумани Уста Ширин кўчасида жойлашган мебель ишлаб чиқариш корхонасида, соат 10:01 да Учтепа тумани Алмоний кўчасида жойлашган тикувчилик корхонасида ёнғин содир бўлган эди.

Больше похожих статей

×