- Advertisement -
Қорақалпоғистон Республикасида аномал иссиқ об-ҳаво туфайли давлат ва нодавлат мактабгача таълим ташкилотлари фаолияти вақтинча тўхтатилади. Бу ҳақда ҳудуд Мактабгача ва мактаб таълими вазирлиги маълум қилди.
Қайд этилишича, мазкур қарор экстремал юқори ҳарорат шароитида болаларнинг саломатлиги ва хавфсизлигини таъминлаш мақсадида қабул қилинган.
Шаҳар ва туман ҳокимларининг қарорларига мувофиқ, болалар боғчалари қуйидаги муддатларда ёпилади:
- Нукус шаҳри ва Хўжайли туманида — 13 июлдан 18 июлгача;
- Амударё туманида — 13 июлдан 15 июлгача;
- Беруний, Тахтакўпир, Шуманай, Мўйноқ, Қанликўл ва Тўрткўл туманларида — 13 июлдан 17 июлгача.
Қарор Санитария-эпидемиологик осойишталик ва жамоат саломатлиги қўмитасининг ҳудудий бўлинмалари тавсиялари асосида қабул қилинган.
