- Advertisement -
Ўзбекистон терма жамоаси Грузияда ўтказилган парадзюдо бўйича Жаҳон кубогида муваффақиятли иштирок этиб, мусобақани тўққизта медаль билан якунлади.
Ўзбек параспортчилари ҳисобида — 1 та олтин, 2 та кумуш ва 6 та бронза медали бор бўлиб, бу халқаро майдонда муносиб натижа сифатида баҳоланмоқда.
Олтин медаль ва мусобақа ғолиби унвонини Довурхон Кароматов қўлга киритди.
Ўзбекистон Республикаси Паралимпия қўмитаси маълум қилишича, жамоанинг чиқиши спортчилар тайёргарлигининг юқори даражасини ҳамда уларнинг жаҳон миқёсида рақобатбардошлигини яна бир бор тасдиқлади.
