Венгриянинг «Bonafarm» компанияси Боёвут, Ховос, Мирзаобод ва Янгиерда парrandачилик кластерини ташкил қилишни бошлади
Ушбу лоиҳа ишга тушса, вилоят аҳолисининг парранда гўшти ва тухумга талаби тўлиқ қопланади. Ховос туманида 50 гектар ер ажратилса, венгриялик тадбиркорлар технопарк ташкил қилиб, 300 миллион доллар инвестиция киритмоқчи. Вилоят ҳокимлигига Венгрияга бориб, Сирдарё вилояти имкониятларини тақдимот қилиш ва лоиҳалар пакетини шакллантириш топширилди.
Венгрия томони Ховоснинг 2 та маҳалласида «ақлли қишлоқ» дастурини амалга ошириш таклифини берган. Бунда маҳаллага ажратилаётган маблағлар шаффофлиги, эҳтиёжманд оилаларга берилаётган кўмак, бўш иш ўринлари, тадбиркорлар учун имкониятлар ягона очиқ тизим орқали аҳолига эълон қилиб борилади.
Вилоят ҳокимлиги ва Бошқарув самарадорлиги агентлигига венгриялик ҳамкорлар билан ушбу янги тажрибани бошлаш топширилди, бу ҳақда Ўзбекистон Республикаси Президенти матбуот котиби Шерзод Асадов хабар берди.
