Самарқандда Иккинчи Ўзбекистон — Туркия таълим форуми ўтказилди.
Халқаро анжуманда Туркия Олий таълим кенгаши раиси Эрол Ўзвар, Туркиянинг Ўзбекистондаги Фавқулодда ва мухтор элчиси Олган Бекар, Эге университети ректори Неждет Будак, Истанбул техника университети ректори Исмаил Коюнжу ва 40 дан ортиқ Туркия университети вакиллари иштирок этди.
Анжуманнинг очилиш маросимда Самарқанд давлат университети ректори, Ўзбекистон Республикаси фан арбоби, Олий Мажлис Сенати аъзоси Рустам Холмуродов маъруза қилди.
Самарқанд давлат университети Ахборот хизмати томонидан маълум қилинишича, форум доирасида Рустам Холмуродов Гази университети ректори Муса Йилдиз, Анқара Ҳожи Байрам Вели университети ректори Меҳмет Наси Бостанси, Мармара университети ректори Мустафа Курт, Бурдур Меҳмет Акиф Эрсой университети ректори Ҳусейин Далгар, Истанбул техника университети ректори Исмаил Коюнсулар билан ҳамкорлик меморандумини имзолади.
