Ўзбекистон 9 ойда қарийб 2,6 млн дона мобил телефон импорт қилган

Статистика агентлигининг дастлабки маълумотларига кўра, Ўзбекистон 2023 йилнинг январь-сентябрь ойларида хориждан қиймати 178,2 млн AҚШ долларига тенг бўлган қарийб 2,6 млн дона барча турдаги мобил телефонлардан импорт қилган.

Мобил телефонлар импорти 2022 йилнинг мос даври билан солиштирилганда 398 361 тага ошган.

Ўзбекистон 2023 йилнинг 9 ойида энг кўп мобил телефон импорт қилган давлатлар:

— Хитой – 2,3 млн дона

— Ветнам – 223,1 минг дона

— Ҳиндистон – 32,5 минг дона

— БАА – 7,7 минг дона

— Қозоғистон – 2,5 минг дона.