“Ичан қалъа”да веломарафон

Хива шаҳрининг “Ичан қалъа” давлат музей қўриқхонасига қарашли ҳудудида вилоят мактабгача таълим муассасалари тарбияланувчилари ўртасида учинчи болалар веломарафони ўтказилди.

Мазкур тадбирда икки юз нафардан зиёд ёш веломарафончилар иштирок этишди. Ҳакамлар ҳайъати ёш спортчиларнинг веломарафон талаб ва қоидаларига риоя этишини қатъий назорат этиб, холисона баҳолаб боришди. Мусобақа ғолиби ва совриндорлари ташкилотчилар томонидан муносиб тарзда рағбатлантирилди.

Шу куни тадбир иштирокчилари “Ичан қалъа” давлат музей қўриқхонаси бўйлаб саёҳат қилишди.

Вилоят ИИБ ХТТБ ҳамда барча соҳавий хизматлар ходимлари тадбир иштирокчиларининг хавфсизлигини таъминлаш бўйича барча зарур чора-тадбирларни кўришди.

Манба:“Postda”