Тожикистонда охирги йилларда музликлар сони камайиб бормоқда. Бу ҳақда республика атроф-муҳитни муҳофаза қилиш қўмитаси раиси Баҳодур Шерализода хабар берди деб ёзмоқда Unews.
Унинг сўзларига кўра, иқлим ўзгариши, айниқса, иссиқлик таъсири натижасида музликларнинг эриш тезлиги янада тезлашган.Унинг қўшимча қилишича, ҳар йили муз блокининг майдони 1,3 квадрат метргача қисқаради.
“Aтмосферага иссиқхона газлари минимал миқдорда чиқаётганига қарамай, Тожикистон иқлим ўзгариши таъсирига энг заиф давлатлардан бири ҳисобланади”, дейди Шерализода.
Маълумот ўрнида, Тожикистонда музликлар мамлакат ҳудудининг 6 фоизини эгаллайди. Aйнан улар Марказий Осиёнинг деярли барча қисмини чучук сув билан таъминлайди. Тожикистонда музликларни сақлаш жамғармасини ташкил этиш таклиф қилинмоқда.
