Олдинги тадқиқотларга кўра, ҳаво ҳарорати ва нисбий намлик билан боғлиқ қуйидаги ҳарорат +35℃, намлик 100% ёки ҳаво ҳарорати +46℃, намлик 50% дан юқори бўлганда инсон нафас ололмаслиги, умуман бундай ҳолатларда кишиларда ўлим хавфи юзага келиши ҳақида илмий фаразлар бор эди.
Аммо бу бўйича лабаратория таҳлил натижалари йўқ эди. Пенсилвания университети олимлари янги изланишлар асосида критик юқори даражани аниқлашди. Ҳаво ҳарорати +31 даража ва намлик 100% бўлганда соғлом кишилар ҳам ўлим билан юзма юз келиши исботланди.
Махсус камерада олиб борилган тажрибаларга ёш чегараси 18-34 оралиқдаги 25 нафар кўнгилли жалб этилди. Улар учун махсус камера ичида аста-секин иссиқлик стреслари таъсири остидаги шароит тақдим этилди. Ҳаво ҳарорати +38℃ ҳаводаги намлик 60%га етганда кўнгиллиларнинг барчаси ўзини жуда ноқулай ҳис қилиб, ҳушуни йўқотган.
Айрим сурункали касалликка чалинган кишилар, кексалар юқоридаги қийматлардан анча паст юқори намликка эга ҳароратда ҳам кучли иссиқлик уриши билан тўқнаш келишлари мумкин.
Мазкур критик чегаралар экстремал аномал иссиқликнинг салбий оқибатларини камайтириш учун соғлиқни сақлаш бўйича кўрсатма ва норматив ҳуқуқий ҳужжатлар ишлаб чиқиши учун асос бўлиши мумкин.
