Қозоғистон электрон ҳукуматни ривожлантириш бўйича илк бор дунёнинг энг яхши 20 та давлати қаторига кирди

Топ статей за 7 дней

Подпишитесь на нас

51,905участниковМне нравится
22,962участниковЧитать
9,040участниковПодписаться
- Advertisement -

Қозоғистон БМТнинг электрон ҳукумат рейтингида 193 та давлат орасида 16-ўринни эгаллади. Мамлакат рақамли давлат хизматлари энг ривожланган давлатлар гуруҳига илк бор кириб, Германия, Швеция ва Японияни ортда қолдирди.

БМТнинг Электрон ҳукуматни ривожлантириш индекси (EGDI) бўйича тақдим этилган маълумотларга кўра, Қозоғистон рейтингдаги ўрнини бирданига саккиз поғонага яхшилаб, 24-ўриндан 16-ўринга кўтарилди.

Мамлакат илк бор энг юқори VH рейтинги тоифасига кирди. Ушбу тоифадан электрон ҳукуматни ривожлантириш кўрсаткичлари энг юқори бўлган 21 та давлат ўрин олган.

Энди Қозоғистон Жанубий Корея, Дания, Сингапур, Буюк Британия, Эстония ва АҚШ билан бир гуруҳдан жой олди. Бу тоифага Ирландия ва Польша ҳам илк бор кирди.

Икки йил давомида Қозоғистон кўрсаткичи 0,9009 дан 0,9363 гача ошди. Таққослаш учун, индекснинг жаҳон бўйича ўртача кўрсаткичи 0,6675 ни ташкил этади.

Рейтингда юқори ўринларни эгаллаган давлатлар орасида Қозоғистон ўсиш суръати бўйича энг сезиларли натижалардан бирини қайд этди. Шу билан бирга, республика МДҲ ва Марказий Осиё давлатлари орасида биринчи ўринни сақлаб қолди.

БМТ телекоммуникация инфратузилмасининг ривожланиши, интернетдан фойдаланиш имкониятлари ва аҳолининг рақамли саводхонлиги ошганини қайд этди. Шунингдек, давлат онлайн хизматларининг сифати ҳам ҳисобга олинди.

Жумладан, eGov.kz ва eGov Mobile платформалари ҳисоботда рақамли давлат бошқарувининг интеграциялашган тизимига мисол сифатида келтирилган.

EGDI индекси электрон ҳукумат ривожланишини онлайн хизматлар, телекоммуникация инфратузилмаси ва инсон капитали асосида баҳолайди.

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь

Последние новости

Ўзбекистон мактабларида янгиланган алифбога ўтиш муддатлари маълум бўлди

Янгиланган графикадаги дарсликларни жорий этиш янги ўқув йилидан бошланади ва 2027–2031 йилларни қамраб олади. Ўқувчилар янги қоидаларга мослашаётган даврда 5–11-синфлар...

Больше похожих статей