Fraunhofer олимлари саноат корхоналари билан биргаликда янги маҳсулотларни лойиҳалайди, тажриба намуналарини яратади ва уларни ишлаб чиқаришга тайёрлайди. Кўпчиликка таниш MP3 аудио форматини яратишда ҳам ушбу тармоқ олимлари иштирок этган.
Германиянинг Fraunhofer тармоғида 74 та институт ва мустақил тадқиқот бўлинмаси фаолият юритади. Уларда 30 мингдан ортиқ ходим ишлайди. Ташкилотнинг йиллик бюджети 3,6 млрд еврони ташкил этади.
2014 йилда Fraunhofer ташкилотига давлат бюджетидан ажратилган 1,1 млрд евро иқтисодий жиҳатдан 20,1 млрд евро қўшимча қиймат яратган. Бу ҳар бир евро ҳисобига 18,3 евро қўшимча қиймат тўғри келишини англатади. Шунингдек, Fraunhofer ташкилотига ажратилган ҳар бир евро учун федерал, ҳудудий ва маҳаллий бюджетларга жами қарийб 3,7 евро қўшимча солиқ тушуми тўғри келган.
18 ноябрь куни Макроиқтисодий ва ҳудудий тадқиқотлар институти, Тошкент архитектура-қурилиш университети, Fraunhofer-Gesellschaft ва Project M Foundation тўрт томонлама англашув меморандумини имзолади.


