Россия Федерациясида мобил алоқа фойдаланувчилари учун муҳим ўзгаришлар тайёрланмоқда. Тақдим этилаётган лойиҳага кўра, мамлакатда 2027 йилнинг апрель ойидан бошлаб тўлиқ ишга тушиши кутилаётган ягона IMEI ҳисоб тизими жорий этилиши режалаштирилмоқда. Янги тартибга мувофиқ, чет элдан шахсий фойдаланиш учун олиб кирилган телефонларни 14 кун ичида «Госуслуги» портали орқали рўйхатдан ўтказиш талаб этилади.
Агар қурилма 15 хонали IMEI коди бўйича ягона реестрга киритилмаган бўлса, мобил операторлар унга овозли алоқа ва интернет хизматларини кўрсатишни чеклаш ҳуқуқига эга бўлади. Россия мобил тармоқларида аллақачон фаолият юритаётган ҳамда расмий дилерлар томонидан олиб кирилган смартфонлар ҳақидаги маълумотлар операторлар ва божхона органлари томонидан автоматик равишда базага киритилади. Энг оммабоп Apple, Samsung ва Google Pixel каби моделлар нархининг 20–40 фоизга қимматлашиши тахмин қилинмоқда.
Рақамли ривожланиш вазирлиги ҳозирча чет элдан олиб келинган қурилмаларни рўйхатдан ўтказиш тизими ихтиёрий характерда эканини билдирган бўлса-да, Россияга ташриф буюрувчи ва маҳаллий SIM-карталардан фойдаланишни режалаштираётган чет эл фуқароларига расмий қоидаларни диqqат билан кузатиб бориш тавсия этилади.
