- Advertisement -
Тошкент шаҳар ҳокимлигида миллий кино санъати ривожига муносиб ҳисса қўшаётган ёш ижодкорлар ва актёрларни тақдирлаш маросими бўлиб ўтди.
Тадбир давомида Тошкент шаҳар ҳокими Шавкат Умурзоқов Ўзбекистон Республикаси Президенти томонидан «Келажак бунёдкори» медали билан мукофотланган режиссёрлар Муниса Магаметибрагимова ҳамда Мария Мусаковага ушбу давлат мукофотларини тантанали равишда топширди.
Шунингдек, маросимда «Чемпион», «Ўғилой» ва «Серсавол» бадиий фильмларида бош ролларни ижро этган истеъдодли актёрларнинг меҳнати эътироф этилиб, уларга эсдалик совғалари топширилди. Тадбирда ёш истеъдодларни қўллаб-қувватлаш ва миллий кинематографияни янада ривожлантириш муҳим аҳамиятга эга экани таъкидланди.
