- Advertisement -
20 октябрь куни Тошкент шаҳрининг Юнусобод туманидаги «Минор» ва «Ифтихор» маҳаллаларининг айрим ҳудудларида соат 09:00 дан 18:00 гача газ таъминоти вақтинча тўхтатилади. Бу ҳақда «Ҳудудгаз пойтахт» матбуот хизмати хабар берди.
«Янгиариқ» маҳалласидаги Ифтихор кўчасида диаметри 530 миллиметр бўлган ерости газ қувурини таъмирлаш ишлари олиб борилади.
Вақтинчалик узилиш «Минор» маҳалласининг 6-мавзесидаги 32 та кўп қаватли уйга таъсир қилади. Шунингдек, Ғунча, Элобод, Хуршид, Минор берк ва Далазар кўчаларидаги 120 та хусусий хонадонда газ таъминоти тўхтатилади.
Ифтихор кўчасидаги 1-А ҳамда 121–170-сонли уйлар ҳам чекловлар доирасига киради.
Таъмирлаш ишлари якунланганидан сўнг газ таъминоти босқичма-босқич тикланади.
