Ўзбекистоннинг 13 нафар спортчидан иборат терма жамоаси 2026 йилнинг 23–25 октябрь кунлари Таиланднинг Паттайя шаҳридаги «Bira Circuit» автодромида бўлиб ўтадиган «Asia-Pacific Motorsport Championship» (APMC) мусобақасида иштирок этади. Халқаро автомобиль федерацияси (FIA) шафелигида ва Таиланд Қироллик автомобиль ассоциацияси (RAAT) ташкилотчилигида ўтказилаётган ушбу минтақавий чемпионатда вакилларимиз бешта йўналиш бўйича беллашадилар.
Терма жамоа аъзолари картинг-слалом, картинг на чидамлилик (Karting Endurance), автожимхана, автокросс ва киберавтоспорт (E-Sports) йўналишларида мамлакат шарафини ҳимоя қилади. Маълумот учун, бу Ўзбекистон терма жамоасининг APMC мусобақасидаги учинчи иштироки бўлиб, бундан аввалги чемпионатларда вакилларимиз битта кумуш (Малайзия, 2023) ва иккита бронза (Шри-Ланка, 2025) медалларини қўлга киритишган эди.
