Миллий статистика қўмитаси маълумотларига кўра, жорий йилнинг январ-август ойларида Ўзбекистонда уюшмаган савдо (жисмоний шахсларнинг деҳқон ва мол бозорларидаги мустақил савдоси) ҳажми 38 триллион сўмни ташкил этиб, ўтган йилнинг мос даврига нисбатан 23,9 фоизга ўсди. Бу чакана савдонинг асосий тоифалари орасида энг юқори ўсиш суръати ҳисобланади.
Таққослаш учун, йирик корхоналар томонидан сотилган товарлар ҳажми 20 фоизга (73,8 триллион сўмга), кичик ва ўрта бизнес субъектларининг обороти эса 17,8 фоизга (258,6 триллион сўмга) ошган. Мазкур секторнинг мамлакат чакана товар айланмасидаги улуши 10,3 фоизга етди. Бу кўрсаткич аҳоли томонидан ўз томорқаларида етиштирилган қишлоқ хўжалиги маҳсулотлари ва чорвачилик моллар ортиқчасини бозорларда юридик шахс ташкил этмасдан мустақил равишда сотиши ҳисобига шаклланмоқда.
