- Advertisement -
Ўзбекистон Президенти Шавкат Мирзиёев Марказий Осиё минтақаси учун талаб юқори бўлган касблар ва компетенцияларнинг минтақавий атласини ишлаб чиқишни таклиф этди. Ушбу ташаббус минтақа мамлакатларининг бугунги кунда мутахассислар танқислиги сезилаётган ҳамда яқин йилларда талаб ортиб борадиган соҳалар бўйича прогнозларини бирлаштиришни назарда тутади.
Давлат раҳбарининг таъкидлашича, бундай ягона таҳлилий манбанинг яратилиши олий ва профессионал таълим муассасаларига минтақа иқтисодиётининг реал эҳтиёжларини олдиндан ҳисобга олган ҳолда кадрлар тайёрлашни йўлга қўйиш имконини беради.
