- Advertisement -
Ички ишлар вазирлиги Шахсий хавфсизлик бош бошқармаси фуқаролар ва соҳа ходимлари билан тўғридан-тўғри алоқа ўрнатиш мақсадида @iiv_shxbb_bot махсус Telegram-ботини ишга туширди.
Ушбу электрон платформа орқали ички ишлар органлари ходимларининг коррупция, тамагирлик, ноўрин хатти-ҳаракатлари ҳамда хизмат фаолиятида дуч келинаётган муаммолар ҳақида тезкор хабар бериш имконияти яратилди.
Ботнинг асосий вазифаси тизимда шаффофликни таъминлаш ва ҳуқуқбузарликларнинг барвақт олдини олишдан иборат. Келиб тушган ҳар бир мурожаат тезкорлик билан текширилади, шу билан бирга, мурожаатчининг шахси сир сақланиши тўлиқ кафолатланади. Шунингдек, фуқаролар қўшимча равишда бош бошқарманинг 71-231-31-74 ишонч телефони орқали ҳам мурожаат йўллашлари мумкин.
