- Advertisement -
«Ўзгидромет» маълумотларига кўра, 13 ноябрь куни кутилаётган кучли ёмғирлар сабабли республиканинг тоғолди ва тоғли ҳудудларида сел-сув тошқинлари юзага келиши мумкин. Шу муносабат билан қатор ҳудудларда хавф эълон қилинди.
Прогнозларга кўра, Қашқадарё, Сурхондарё, Самарқанд, Жиззах, Тошкент, Наманган, Фарғона ва Андижон вилоятларининг бир қатор тоғолди ва тоғли туманларида сел кетиш хавфи юқори. Жумладан, Қашқадарёнинг Чироқчи, Шаҳрисабз, Қамаши, Сурхондарёнинг Денов, Бойсун, Тошкент вилоятининг Бўстонлиқ, Оҳангарон туманлари ва бошқа ҳудудларда хавф мавжуд. Мутахассислар айрим жойларда ёмғир сувлари тўпланиши ва ҳудудларни сув босиши эҳтимоли борлигидан огоҳлантирмоқда.
