Ижтимоий тармоқларда Ўзбекистонда ободонлаштирилмаган уйлар дарвозасига «Уятли хонадон» ёзувли белгилар ёпиштирилиши ҳақида хабарлар кенг муҳокама қилинмоқда.
Тарқалган маълумотларга кўра, маҳаллаларда ўтказилаётган ўрганишлар доирасида масъулларга хонадонлар ва уларнинг атроф ҳудудлари ҳолатига алоҳида эътибор қаратиш топширилган. Шу муносабат билан аҳолига уй ва ҳовлиларни тартибга келтириш тавсия этилмоқда.
Хабарларда, талабларга жавоб бермайдиган уйларга «Уятли хонадон» белгиси илиниши, айрим маҳаллаларга эса «Шармандали маҳалла» мақоми берилиши мумкинлиги айтилган.
Айни пайтда ушбу тартибнинг расмий ҳужжатлар билан жорий этилгани ёки ваколатли давлат органлари томонидан тасдиқлангани ҳақида расмий маълумот эълон қилинмаган.
Мутахассислар ва расмий манбаларнинг изоҳлари эълон қилиниши билан мазкур масала юзасидан қўшимча ахборот тақдим этилади.
