- Advertisement -
Қирғизистон Ўзбекистон билан эришилган келишувлар доирасида Чон-Гара ва Тош-Дўбо қишлоқларини республика таркибига ўтказиш бўйича амалий ишларни бошлади. Шу муносабат билан мазкур аҳоли пунктлари аҳолисига Қирғизистон Республикаси фуқаролиги расмийлаштирилмоқда.
Дастлабки маълумотларга кўра, икки қишлоқда тахминан 2,5 минг киши яшайди. Уларнинг аксарияти этник қирғизлар ҳисобланади.
Ташкилий масалаларни ҳал этиш мақсадида 3 августдан Қирғизистон ва Ўзбекистоннинг қўшма ишчи гуруҳи жойларда иш бошлади.
Аҳоли пунктларини ўтказиш икки мамлакат ўртасидаги ер алмашиш тўғрисидаги битим доирасида амалга оширилмоқда. Чон-Гара ва Тош-Дўбо эвазига Ўзбекистон майдони тенг бўлган чегарадош ер участкасига эга бўлди.
