- Advertisement -
Ўзбекистонлик гроссмейстер Жавоҳир Синдаров ҳамда амалдаги жаҳон чемпиони, ҳиндистонлик Доммаражу Гукеш ўртасидаги жаҳон чемпионлиги учун баҳс 2026 йил 25 ноябрдан 15 декабргача Швейцариянинг Женева шаҳрида бўлиб ўтади. Бу ҳақда Халқаро шахмат федерацияси (ФИДЕ) маълум қилди.
Мазкур учрашув жаҳон шахмат тожи учун ўтказилган энг ёш чемпионлик баҳси сифатида тарихга киради. Мусобақа бошланадиган вақтда ҳар икки шахматчи ҳам 20 ёшда бўлади.
Чемпионлик баҳси 14 та классик партиядан иборат бўлади. Биринчи бўлиб 7,5 очко тўплаган шахматчи жаҳон чемпиони деб эълон қилинади.
Агар асосий баҳслар 7:7 ҳисобида якунланса, жаҳон чемпиони номи тай-брейк ўйинлари орқали аниқланади.
