Жаҳон чемпионати–2026нинг 1/8 финал босқичида Англия терма жамоаси Мексика устидан иродали ғалабага эришиб, чорак финалга йўлланма олди.
Мехико шаҳридаги машҳур «Ацтека» стадионида бўлиб ўтган учрашув 3:2 ҳисобида англияликлар фойдасига якунланди.
Англия сафида Жуд Беллингем дубль қайд этди. Жамоанинг яна бир голини пенальтидан Ҳарри Кейн киритди. Мексика таркибида эса Хулиан Киньонес ҳамда 11 метрли жарима зарбасини аниқ амалга оширган Рауль Хименес гол муаллифи бўлди.
Учрашувнинг иккинчи бўлими бошида Англия жиддий қийинчиликка дуч келди. Ҳисоб 2:1 бўлиб турган вақтда ҳимоячи Жаррелл Куанса тўғридан-тўғри қизил карточка олиб, майдонни тарк этди. Шунга қарамай, англияликлар бир киши кам бўлиб ҳаракат қилган ҳолда устунликни сақлаб қолиш ва ғалабани қўлдан чиқармасликка муваффақ бўлди.
Ушбу натижадан сўнг Англия терма жамоаси Жаҳон чемпионати чорак финалига йўл олди. Энди инглизлар ярим финал йўлланмаси учун Норвегия терма жамоасига қарши баҳс олиб боради.
