Жаҳон чемпионати–2026нинг “В” гуруҳида учинчи тур учрашувлари якунланди. Турнинг марказий баҳсларидан бири бўлган Швейцария ва Канада терма жамоалари ўртасидаги учрашув европаликлар ғалабаси билан тугади.
Қизиқарли ва муросасиз кечган баҳсда Швейцария 2:1 ҳисобида устун келди. Ғолиблар сафида Рубен Варгас ва Йохан Манзанби гол урган бўлса, Канада терма жамоасининг ягона голига Промис Дэвид муаллифлик қилди.
Ушбу натижадан сўнг Швейцария терма жамоаси 7 очко жамғариб, гуруҳда биринчи ўринни эгаллади ва плей-офф босқичига йўл олди.
Канада эса 4 очко билан гуруҳни иккинчи поғонада якунлади. Жамоа тўплар нисбати бўйича рақибларидан устун келиб, кейинги босқичга чиқиш ҳуқуқини сақлаб қолди.
Шу тариқа, “В” гуруҳидан Швейцария ва Канада терма жамоалари Жаҳон чемпионатининг ҳал қилувчи плей-офф баҳсларида иштирок этадиган бўлди.
