Ўзбекистон Республикаси Президенти Шавкат Мирзиёев Филиппин Республикасининг Минданао ороли жанубий соҳиллари яқинида содир бўлган кучли зилзила оқибатида кўплаб инсонлар ҳалок бўлгани ва жабрлангани муносабати билан мамлакат Президенти Фердинанд Маркосга таъзия йўллади.
Давлат раҳбари табиий офат қурбонларининг оила аъзолари ва яқинларига чуқур ҳамдардлик изҳор этиб, жароҳат олганларнинг тезроқ соғайиб кетишини тилади.
Минданао ҳудудида юз берган кучли зилзила инсонлар қурбон бўлишига ҳамда кўплаб фуқароларнинг жабр кўришига сабаб бўлган. Шу муносабат билан халқаро ҳамжамият ва қатор давлатлар Филиппин халқига ҳамдардлик билдирмоқда.
Ўзбекистон ва Филиппин ўртасидаги дўстона муносабатлар доирасида йўлланган мазкур таъзия мамлакатимиз томонидан офат оқибатларидан жабр кўрганларга нисбатан қўллаб-қувватлаш ва ҳамжиҳатлик рамзи сифатида баҳоланмоқда.
