Тошкент шаҳрининг Олмазор туманида ҳуқуқни муҳофаза қилувчи органлар ходимлари йирик опий кўкнори плантациясини аниқлаб, йўқ қилди. Махсус операция пойтахт ИИББ ходимлари томонидан Давлат хавфсизлик хизмати ва туман прокуратураси билан ҳамкорликда ўтказилди.
Текширув давомида хусусий уй хўжаликларидан бири ҳудудида ҳуқуқни муҳофаза қилувчи органлар ходимлари таркибида наркотик модда мавжуд ўсимликнинг қарийб 260 тупини аниқлади. Кўчатлар баландлиги 20 сантиметрдан 1,5 метргача бўлган.
Барча ўсимликлар мусодара қилиниб, суд-биологик экспертизага юборилди. Текширув якунларига кўра, уй эгасининг ҳаракатларига ҳуқуқий баҳо берилади ва тегишли процессуал қарор қабул қилинади.
Ҳуқуқни муҳофаза қилувчи органларда эслатилишича, наркотик моддалар соғлиққа жиддий зарар етказиб, асаб тизими, хотира ва ички аъзоларга вайронкор таъсир кўрсатади, шунингдек, қарамлик ривожланишига сабаб бўлади.
Аввалроқ беш нафар фарзандни тарбиялаётган 43 ёшли аёл каннабисни ноқонуний етиштиргани учун уч йил саккиз ой муддатга озодликдан маҳрум қилингани хабар қилинган эди.
