- Advertisement -
Тошкент шаҳрининг Учтепа туманида тижорат банки ходимлари томонидан банк маблағларини ўзлаштириш ҳолати аниқланди. Бу ҳақда Бош прокуратура ҳузуридаги департамент матбуот хизмати хабар қилди.
Тергов маълумотларига кўра, банкнинг масъул ходимлари сохта ҳужжатлардан фойдаланиб, фуқаро томонидан депозит ҳисобварағига қўйилган 500 минг АҚШ долларини эгаллаб, ўзлаштирган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ҳамда 228-моддаси (сохта ҳужжатлар тайёрлаш ва улардан фойдаланиш) билан жиноят иши қўзғатилди.
Ҳозирда тергов ҳаракатлари олиб борилмоқда, воқеанинг барча ҳолатлари ва унга алоқадор шахслар аниқланмоқда.
