- Advertisement -
Наманганда ҳуқуқни муҳофаза қилувчи органлар фуқарога 1 минг доллар эвазига имтиҳонсиз ҳайдовчилик гувоҳномаси олиб беришни ваъда қилган шахсни қўлга олди.
Ички ишлар органларига маҳаллий фуқаро мурожаат қилган. Унинг аризаси асосида Наманган вилояти ИИБ ходимлари Бош прокуратура ҳузуридаги Департаментнинг ҳудудий бошқармаси билан ҳамкорликда тезкор тадбир ўтказди.
Гумонланувчи 3 млн сўм миқдоридаги аванс пулларини олаётган вақтда ушланган. Топширилган пуллар олдиндан махсус кимёвий модда билан ишлов берилган бўлган.
Ушбу ҳолат юзасидан фирибгарлик ва пора беришга воситачилик қилиш моддалари бўйича жиноят иши қўзғатилди. Тергов ҳаракатлари давом этмоқда.
