- Advertisement -
2014 йилдан буён қидирувда бўлган Ўзбекистон фуқароси АҚШда қўлга олиниб, Ватанга олиб келинди. У давлат чегарасини ноқонуний кесиб ўтиш билан боғлиқ жиноятни содир этганликда айбланмоқда.
Маълум қилинишича, тезкор-қидирув тадбирлари натижасида 1978 йилда туғилган Ю.Н. исмли фуқаронинг қаердалиги аниқланган.
У Ўзбекистон Республикаси Жиноят кодексининг 223-моддаси иккинчи қисми «г» банди билан қидирувда бўлган.
Мамлакатга қайтарилган эркак кейинги процессуал ҳаракатларни амалга ошириш учун Жиззах шаҳар прокуратурасига топширилган.
Ҳуқуқни муҳофаза қилувчи органлар терговдан яшириниб юрган шахсларни қидириш ва уларни Ўзбекистонга қайтариш ишларини давом эттирмоқда.
